Kjartan Gunnsteinsson
Sæbjörn Kristjánsson
Ingvi Þ. Hjaltason

Eins og flestir vita þá var innanfélagsmótið haldið í Grundarfirði í gær, 6. maí. Veðrið var frábært og veiðin góð, það náðust 5.619 kg á land. Til leiks voru mættir 17 veiðimenn og þar af voru þrír sem aldrei höfðu prófað sjóstöng áður, og að sögn skemmtu þeir sér konunglega og veiddu af miklum móð. Vonandi sjá þeir sér fært að gerast félagar og veiða meira með okkur.

Fyrirkomulag mótsins var með sama sniði og í fyrra; þetta var hugsað sem fjáröflun en ekki keppni á milli einstaklinga. Hver og ein áhöfn veiddi saman en aflahæstu áhafnir voru samt verðlaunaðar núna en það var ekki gert í fyrra. Úrslit mótsins má sjá á http://www.sjol.is

Þrír aflahæstu skipstjórar fengu verðlaun og viðurkenningu á staðnum í lok dags.

Síðan var félagsmönnum boðið að koma í kaffi og kruðerí í Höllinni í dag, sunnudag, en það voru fáir sem mættu. Þeir sem það gerðu, þökkum við kærlega fyrir komuna.

F.v.: Lúther Einarsson formaður SJÓR, Bergvin Sævar Guðmundsson, Kristinn Ólafsson, Andri O. Kristinsson og Elvar Þór Gunnarsson. Á myndina vantar Skarphéðinn Ólafsson.

Innanfélagsmót SJÓR verður haldið 6. maí og farið verður frá Grundarfirði.

Við hvetjum félagsmenn til að koma og veiða því þetta er okkar helsta fjáröflun.

Þar sem mikil ánægja var með fyrirkomulagið á seinasta innanfélagsmóti, höfum við ákveðið að halda okkur við það. Það verður sem sagt ekki um einstaklingskeppni að ræða heldur veiðir öll áhöfnin sem einn maður.

Keppni verður á milli báta. Við veitum þremur aflahæstu skipstjórum verðlaun strax á laugardeginum en áhafnirnar fá sín verðlaun í Höllinni á sunnudeginum.

Trúnaðarmenn hafa sömu skyldum að gegna og venjulega:

• Að sjá til þess að drykkjarföng og björgunarvesti séu um borð
• Að sjá til þess að röðun á báta sé rétt
• Að skipting fari fram á miðjum veiðitíma
• Að bátur sé þrifinn
• Að kör séu merkt bát við löndun.

Ekkert mótsgjald verður innheimt.

Skráning: Á vefsíðu SJÓR, http://www.sjorek.is eða með pósti á sjorek@outlook.com

Skráningu lýkur þri. 2. maí kl. 20:00

INNANFÉLAGSMÓT 6. MAÍ – SKRÁNING

Veiðimenn eru hvattir til að skrá sig sem fyrst. Ekki verður boðið uppá nesti en drykkjarvatn verður um borð í bátum fyrir keppendur.

DAGSKRÁ
Laugardagur 6. maí
Kl. 7:00 Mæting á bryggju og þar verða mótsgögn afhent
Kl. 8:00 Haldið til veiða
Kl. 14:00 Veiðarfæri dregin upp og haldið til hafnar

Sunnudagur 7. maí
Kl. 15:00 Við hittumst í Höllinni, förum yfir árangur mótsins og veitum verðlaun fyrir þrjár aflahæstu áhafnirnar. Kaffi, gos og léttar veitingar í boði. Félagsmenn eru hvattir til að kíkja í kaffi þó þeir hafi ekki farið á veiðar.

Ef það eru einhverjar spurningar varðandi mótið er hægt að hafa samband við Lúther
formann SJÓR, í síma 893 4007 eða senda tölvupóst á ljosafl@simnet.is

Kveðja, stjórn SJÓR

Aðalmót Sjóskips 21.-22. apríl 2023

Skrifað 10. apríl, 2023 – Höfundur: Sjól

Nú fer allt að fara af stað og Sjóskip boðar nú til fyrsta Aðalmóts sumarsins.

Skráning á mótið.
Veiðimaður tilkynnir þátttöku til formanns þess félags sem hann er aðili að.
Formenn senda síðan staðfestingu til Sjóskips um fjölda keppenda, sveitaskipan ofl.

Tilkynning frá formanni hvers félags þarf að berast formanni Sjóskip fyrir kl. 20:00
14. apríl á sjoskipaskagi@gmail.com

Ef það eru einhverjar spurningar varðandi mótið er hægt að hafa samband við Skúla gjaldkera Sjóskips í síma 824-1983 eða senda tölvupóst á skuligaur@arnarholt.net

Keppendur og eða sjóstangaveiðifélög eru vinsamlega beðin um að leggja mótsgjald kr. 15.000,- inná reikning Sjóskips kt. 490894-2099 banki 0552-26-002831 fyrir kl. 18:00 fimmtudaginn 21. apríl.

Ekki verður boðið uppá nesti en drykkjarvatn verður um borð í bátum fyrir keppendur.

DAGSKRÁ

Fimmtudagur 21. apríl
Kl. 18:00 Mótssetning verður rafræn þar sem birtar verða upplýsingar um skipan trúnaðarmanna, röðun niður á báta, skipstjórar og fleira á heimasíðu Sjól.

Föstudagur 22. apríl
Kl. 08:00 Mæting á bryggju hjá löndunarkrönum.
Mótsgögn fyrir keppendur afhend á bryggju ásamt öðrum gögnum fyrir trúnaðarmenn.

Kl. 09:00 Brygjuveiði utaf hrygningarstopi megum við ekki byrja að veiða fyr en kl 10:00.
Kl. 16:00 Veiði hætt og haldið til hafnar.
Kl. 17:30 Léttar veitingar verða í boði á Fiskmarkaðnum, Faxabraut 7.

Aflatölur fyrri dags verða birtar á heimasíðu Sjól www.sjol.is

Laugardagur 23. apríl
Kl. 05:30 Mæting á bryggju.
Kl. 06:00 Haldið til veiða á ný það verður brygjuveiði í syrka 20 min svo verður haldið á miðin.
Kl. 13:00 Veiði hætt og haldið til hafnar.

Kl. 20:00 Lokahóf og verðlaunaafhending, Grjótið Bistro Bar, Kirkjubraut 10

KÓTILETTUKVÖLD – SKRÁNING

Fundurinn var haldinn í gær kl. 20. Það var fámennt en góðmennt og hann gekk fljótt og vel fyrir sig með hefðbundinni aðalfundardagskrá.

Fundarstjóri var Svavar Svavarsson og fundarritari var Marinó Njálsson.

Formaður fór yfir starfsemi seinasta árs og árangur SJÓR-félaga í mótum sumarsins, ásamt árangri í Íslandsmeistarakeppninni.
Gjaldkeri fór yfir reikninga.

SJÓVE
Keppendur frá SJÓR voru 2: Sæbjörn og Lúther
Stærsti gullkarfi: Sæbjörn, 1,800 kg

SJÓSKIP
Keppendur frá SJÓR voru 12: Lúther, Hersir, Marinó, Smári, Steinar Kaaber, Hannes, Guðjón Hlöðvers, Ingvi Þór, Gísli Már, Dröfn, Sæbjörn og Gylfi Ingason

Stærsti ufsi: Ingvi Þór, 7,975 kg
Stærsti sandkoli: Gísli M. Gíslason, 0,770 kg

SJÓSNÆ
Keppendur frá SJÓR voru 4: Gilli, Hersir, Smári og Sæbjörn

Aflahæsti karl, 2. sætið: Hersir, 847,33 kg
Stærsti ufsi: , 13,520 kg

SJÓR
Keppendur frá SJÓR voru 10: Gilli, Kjartan, Lúther, Marinó, Einar Helga, Guðbjartur, Bjössi, Sæbjörn, Hannes Einars og Smári

Aflahæsti karl 1. sæti: Lúther Einarsson 512,50 kg
Aflahæsti karl 2. sæti: Björn Júlíusson 505,69 kg
Aflahæsti karl 3. sæti: Guðbjartur Gissurarson 390,70 kg
Flestir fiskar: Lúther Einarsson 224 fiskar
Flestar tegundir: Gilbert Ó. Guðjónsson 4 tegundir
Stærsti þorskur: Gilbert Ó. Guðjónsson 20,990 kg
Stærsti ufsi: Björn Júlíusson 9,690 kg
Stærsti steinbítur: Guðbjartur Gissurarson 4,260 kg
Stærsti sandkoli: Sæbjörn Kristjánsson 0,490 kg
Stærsti fiskur: Gilbert Ó. Guðjónsson 20,990 kg

SJÓNES
Keppendur frá SJÓR voru 4: Lúther, Sæbjörn, Gilli og Smári

Stærsti þorskur: Smári Jónsson 18,690 kg
Stærta keila: Lúther Einarsson 5,985 kg
Stærsti fiskur móts: Smári Jónsson 18,690 kg

SJÓSIGL
Keppendur frá SJÓR voru 4: Sæbjörn, Bjössi, Kjartan og Lúther

Stærsti makríll: Kjartan Gunnsteinsson 0,700 kg

SJÓAK
Keppendur frá SJÓR voru 4: Lúther, Smári, Sæbjörn og Gilli

SVEITAKEPPNIR
Sveit frá SJÓR var einu sinni í 1. sæti og fjórum sinnum í 2. sæti,

TONNAKLÚBBURINN
Enginn félagsmaður fór yfir tonnið að þessu sinni

ÍSLANDSMEISTARAKEPPNIN
Íslandsmeistari, 2. sæti: Lúther Einarsson 711 stig
Aflahæsti keppandi, 1. sæti: Lúther Einarsson 2.741 kg
Stærsti ufsi Smári Jónsson 13,520 kg
Stærsti makríll Kjartan Gunnsteins. 0,700 kg
Stærsti sandkoli Gísli M. Gíslason 0,770 kg

Kæru félagar

Það er komið að okkar árlega þorrablóti. Eins og segir í meðfylgjandi auglýsingu verður það haldið laugardaginn 28. janúar og hér koma helstu upplýsingar:

Boðið verður uppá hefbundinn þorramat frá Múlakaffi og honum fylgir einnig heitt saltkjöt með kartöflum og uppstúf. Ef einhver(jir) hafa aðrar óskir þá er um að gera að koma þeim á framfæri og við gerum okkar besta til að verða við því.

Við mælumst til að gestir komi með drykkjarföng að eigin vali en við verðum með bjór og léttvín á barnum ef þarf. Gosdrykkir verða í boði hússins. Minnum á að ekki verður posi á staðnum en hægt verður að sjálfsögðu að greiða með peningum og síðan er ekkert mál að millifæra á staðnum í símanum 🙂

Miðaverð er 6.500 kr.

Skráningu lýkur að kvöldi dags 18. janúar og í kjölfar þess að þið skráið ykkur, viljum við biðja ykkur um að millifæra andvirði miðans, 6.500 kr., á 515-14-405483, kt. 580269-2149.

ÞORRABLÓT – SKRÁNING

Húsið verður opnað kl. 19 og borðhald hefst kl. 20.

Við hvetjum félagsmenn, nýrri sem eldri, til að fjölmenna og eiga góða kvöldstund með félögunum. Munið að félagið eru þið og ykkar þátttaka í viðburðum sem þessum skiptir sköpum fyrir félagið og andann. Um að gera að taka gesti með. Hlökkum til að sjá ykkur sem flest.

Kveðja, stjórnin