Kæru félagar,
þá er komið að aðalfundinum okkar.
Við hvetjum alla til að koma, hitta félagana, fá sér kaffi og leggja orð í belg kjósi þeir svo.
Kveðja, stjórn SJÓR
Þorrablót SJÓR
Skemmtilegu þorrablóti SJÓR er lokið og tæplega 50 gestir gerðu sér glaðan dag með félögum, vinum og mökum.
Sú nýbreytni var í þetta sinn að við sáum sjálf um matinn. Það kostaði dálitla vinnu en þegar margar hendur koma að, verður þetta léttara – og töluvert ódýrara. Til marks um hversu vel maturinn fór í gestina okkar, þá höfðum við áhyggjur af að sitja uppi með MIKINN afgang. Til mikillar gleði fyrir okkur þá reyndust þær áhyggjur óþarfar 🙂
Að ölllum ólöstuðum sem að vinnunni komu, viljum við sérstaklega þakka Einari Kristinssyni fyrir að bjóðast til þess að sjá um þetta og hafa yfirumsjón með eldamennskunni.
Happdrættið góða var á sínum stað með glæsilegum vinningum – sem töldust vera FIMMTÍU talsins 🙂 Framlag Gilberts úrsmiðs er ómetanlegt og hefur verið svo í mörg ár.
Kaleb Joshua sá síðan um tónlistina af sinni alkunnu snilld og Kristjana lék á alls oddi í eldhúsinu 🙂
Það er alveg óhætt að segja að gleðin hafi verið við völd og við þökkum gestum okkar kærlega fyrir samveruna.
Kveðja, stjórn SJÓR
Þorrablót 1. febrúar
Kæru félagar og aðrir velunnarar SJÓR.
Nú styttist þorrablótið og ekki seinna vænna að skrá sig. Eins og venjulega verður fjörugt happdrætti með glæsilegum vinningum. Hvetjum félagsmenn til að taka með sér gesti.
Húsið opnar kl. 19 og borðhald hefst um kl. 20.
Miðaverð: 6.000 kr.
Gosdrykkir verða í boði en einnig verður barinn opinn, svo er hverjum frjálst að koma með eigin drykkjarföng.
Skráðu þig …
Nota skráningarformið á http://www.sjorek.is (efst á síðunni)
Email: sjorek@outlook.com
Senda SMS á ritara SJÓR: 893 4034 Ágústa
SKRÁNINGU LÝKUR AÐ KVÖLDI 28. JANÚAR
Hlökkum til að sjá ykkur sem flest – helst öll!
Kveðja, stjórn SJÓR
Þorrablótið, 1. febrúar
Kæru félagar og aðrir velunnarar,
þorrablótið verður haldið 1. febrúar og hlökkum við til að sjá sem flesta.
Nánari upplýsingar koma þegar nær dregur en við viljum endilega hvetja
félagsmenn til að taka með sér gesti.
Við lofum skemmtilegu kvöldi með góðum mat 🙂
Kveðja, stjórn SJÓR
Hátíðarkveðjur
Sviðaveislan, 16. nóv.
Það styttist í lokahóf SJÓL – skráningu lýkur 17. okt.
Góður árangur SJÓR-liða á SJÓAK
Það heppnaðist vel, aðalmót SJÓAK, þrátt fyrir frekar hryssingslegt veður.
SJÓR-liðum gekk ljómandi vel og það er gaman að geta sagt frá því að sú sem var Aflahæsta konan OG Aflahæsti keppandinn OG Keppandi með flesta fiska OG með stærstu Ýsuna – var Elín Snorradóttir, fyrrum formaður SJÓR og núverandi formaður SJÓL. Hún gerði sér lítið fyrir og vippaði upp 501 fiski sem vógu samtals 1.141,82 kg.
SJÓR var með tvær sveitir og önnur þeirra sigraði sveitakeppnina sem var virkilega skemmtilegt. Hana skipuðu: Elín Snorradóttir, Pálmar Einarsson, Smári Jónsson og Lúther Einarsson. Hin sveitin lenti í 5. sæti sem er ágætt m.v. að í keppninni voru 9 sveitir.
Gilbert Ó. Guðjónsson fékk flestar tegundir, 7 tegundir samtals.
Lúther Einarsson fékk stærsta Sandkolann.
Við þökkum SJÓAK kærlega fyrir góða keppni og skemmtilegar samverustundir.
Sjáumst á SIGLÓ! Kveðja, stjórn SJÓR
Innanfélagsmót SJÓR 31. ágúst
Aðalmót SJÓSIGL 23.–24. ágúst
SJÓR 