Aðalmót SJÓR 22.–23. júní 2018

Aðalmót Sjóstangaveiðifélags Reykjavíkur verður haldið á Patreksfirði 22.–23. júní, eftir tveggja ára bið. Þáttökugjald er 15.000 kr. sem greiðist við mótssetningu. Innifalið er miði á lokahóf – aukamiði kostar 5.000 kr.

Bent er á að hægt er að taka ferjuna Baldur frá Stykkishólmi kl. 9:00 og 15:45 á fimmtudeginum 21. júní, og til baka frá Brjánslæk á sunnudeginum 24. júní, kl. 12:15 og 19:00. Sjá nánar á heimasíðu Sæferða (www.saeferdir.is).

Hægt er að skrá sig með ýmsu móti:

  • Á heimasíðu SJÓR skraning-a-mot/
  • Með tölvupósti á sjorek@outlook.com
  • Koma skráningu til formanns þíns félags

Frestur til skráningar rennur út kl. 20:00, miðvikudaginn 13. júní. Takið einnig fram ef maki eða aðrir gestir eru með í för, svo hægt sé að áætla fjölda á lokahófið. Síðan mun ykkar formaður, tilkynna okkur þátttökuna sama dag.

Eins dags veiði

Samkvæmt þriðju grein laga SJÓL verður boðið upp á eins dags veiði innan veiðitímabils. Veiðimaður sem skráir sig til veiði einn dag skal gera grein fyrir hvorn daginn hann vill veiða og mun mótstjórn reyna að verða við óskum þeirra sem það kjósa.

 

DAGSKRÁ MÓTS

Fimmtudagur 21. júní

Kl. 20:00           Kjötsúpa í Félagsheimili Patreksfjarðar, Aðalstræti 107

Kl. 21:00           Mótið sett, skipstjórar og trúnaðarmenn settir í störf.

Föstudagur 22. júní

Kl. 05:30           Mæting á bryggju hjá löndunarkrönum.

Kl. 06:00           Siglt á fengsæl mið.

Kl. 14:00           Veiði hætt og haldið til hafnar.

Kl. 15:00           Leikur Íslands og Nigeríu í félagsheimilinu. Grill í boði SJÓR eftir leik.

Kl. 19:30           Farið verður yfir aflatölur dagsins.

Laugardagur 23. júní

Kl. 05:30           Mæting á bryggju.

Kl. 06:00           Haldið til veiða á ný.

Kl. 14:00           Haldið til hafnar.

Kl. 20:30           Lokahóf og verðlaunaafhending í félagsheimilinu.–

ATHUGIÐ: Keppendur sjá sjálfir um nestið sitt um borð en boðið verður uppá vatn og gos um borð.

Hlökkum til að sjá ykkur sem flest.

Fyrir hönd Sjóstangaveiðifélags Reykjavíkur, stjórn SJÓR